عزاه للطرق الهلالي وعزاه
لكل البحور اللي هواها فتني
أسبحبها مره // ومرات أنساه
ومره تجيني وما أجي بالتمني
والمزنة اللي سيلتني سقاياه
تسوى غيومٍ عابره // ماسقني
وشخصٍ أحبه // ما تحسَّب خطاياه
لو غز في صدري سيوف,وطعني
واللي تركني يوم عيني ترجاه
أرجوه // لا يذكر غلاي ويحني
ما ني بخبلٍ,,,ضيعت به هقاياه
ولا ني بضايع,,, خلف كنه وكني
ما تمسح أعذار المقفي // سواياه
لو ينفع غراب الولايش // تحنِّي
ألجمت في صدري خيول المعاناه
وأسرجتها يوم الصبر ضاع مني
ما غنِّمت كلمة يا ليت ((وحلولاه))
وما يكحل عيون العذارى تغني
والصاحب اللي كرهي أبرز سجاياه
أبتركه // ما هو كفو يمتحني
بسايسه يمكن تفيد المداراه
والا العلوم الناكسه مايجني
شفته يدل الدرب // وجنب وخلاه
يستاهل الضيعه ,,, ويلقى التعني
